قصيدة نبطية للشاعر بيل بن غيتس

Posted: يوليو 4, 2010 in طريف

فيروس هجرك عطل القلب تعطيـل …… ودمر ملفات الفـرح فـي حياتـي
ياللي سكنت القلب من دون تحميـل …… متـى لموقعنـا تشـرف وتـاتـي
عنوانكم ماهـوب ياهـو وهوتميـل …… عنوانكـم روحـي و قلبـي و ذاتـي
كم مرةٍ أرسلـت لـك عبر الإيميـل …… وأدورك فـي منتـداي و شـاتـي
وأرسلت لك يا زين فايـلٍ ورى فايـل …… فيها الغلا والحـب يا أغـلى أمنياتـي
وأرسلت لك قصة عذابي مع الريـل …… ياللي غيابك هـو سبايـب شقاتـي
دايم عليك أبحـث بياهـو و جوجـل …… وأنـت ولا تسـأل علينـا بتـاتـي
خابرك بنتيوم فـور أصلـي و إنتيـل …… لكن خسـارة غيـروك الوشاتـي
وكان الهكر غروك بالقـال والقيـل …… بأدعي عليهم في سجودي وصلاتي
ياجعلهـم بقعـاء وطيـرٍ أبابـيـل …… ترمي عليهم بأمـر ربـي حصاتـي
يرضيك من حبك غدى منهك الحيـل …… ريقي غدى ناشف ويبسـت شفاتـي
أقضي الليالي دمع عينـي هماليـل …… لا مـن طريتيلـي تـبـدد مبـاتـي
صحـراي جفـت مالفانـا مخاييـل …… وأنت المزون اللـي تـروّي نباتـي
وياشين حالي لا قريـت المراسيـل …… في الأوتلوك أذكر قصص ماضياتي
منك حزين الحرف شـاف البهاذيـل …… وقلبك مثل قرصٍ صلب في القساتي
موقعك في وجهـي مقفـل بتقفيـل …… حتى البروكسي مانفـع وش سواتـي
بمفضلـة قلبـي عطينـاك تفضيـل …… أنـت المفضـل عندنـا يا غنـاتـي
ويا زين هجرك عطل القلب تعطيـل …… ومن غير شوفك وش تساوي حياتي
كني بدونك قرص فـارغ ولا فيـل …… فاسـد ومرمـي بسلـة المهملاتـي
ماعدت أفرق بين اكسس و أكسيـل …… وماعدت أفرق بيـن بلتـك وشاتـي
وباشكي على الكيبورد كثر الغرابيل …… وأكتب على الوورد المطور وصاتي
وهذي النهاية حطها وسـط تظليـل …… لا مـت ف غيابـك سبايـب مماتـي

وسلامتكم

تعليقات
  1. mai قال:

    الله فعلا قصيدة رائعة ماقدرت امسك حالي ودمعت عيني

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s